როგორ იცავს Perwoll ქსოვილს მოთელვისა და გახუნებისგან

გახუნება

სამოსის რამდენჯერმე ჩაცმის შემდეგ ალბათ შეამჩნევდით, რომ ტანსაცმლის ფერი წინანდელთან შედარებით უფრო მქრქალად გამოიყურება. ამას ორი ძირითადი მიზეზი აქვს:

1. ფერის დაკარგვა

ხშირმა რეცხვამ, განსაკუთრებით, მაღალ ტემპერატურაზე, შესაძლოა ფერის გასვლა გამოიწვიოს. ამას გარდა, ზოგიერთი ქსოვილი განსაკუთრებით რთულად ინარჩუნებს ფერს. მაგალითად, ბუნებრივი ბოჭკოები, როგორიცაა ბამბა, როგორც წესი, არ არის ისეთი ფერგამძლე, როგორც სინთეზური ქსოვილები. 

2. ბუსუსების გაჩენა

ბუსუსების გაჩენით გამოწვეული გახუნება? ყველაფერი ფიზიკის კანონებით ხდება! ფერადი ქსოვილები საუკეთესოდ გამოიყურება, როცა ბოჭკოებს იდეალურად ბრტყელი ზედაპირი აქვს და სინათლეს საუკეთესოდ აირეკლავს. ზემოაღნიშნული ბუსუსების გაჩენა არა მხოლოდ ნასკვებს წარმოქმნის, არამედ ქსოვილიდან გამოშვერილი ბოჭკოების დაბოლოებებსაც შლის. ბოჭკოების ეს დაბოლოებები განაპირობებს ჩამოტყორცნილი სინათლის გაფანტვას, გარდატეხასა და სხვადასხვა მიმართულებებით არეკვლას. ჩვენ ამ ქსოვილებს გახუნებულად აღვიქვამთ, უფრო ზუსტად, ისე ჩანს, თითქოს ნაცრისფერი შეფერილობა დაკრავს. 

რა თქმა უნდა, არსებობს კიდევ რამდენიმე რამ, რისი გაკეთებაც შეგიძლიათ იმისთვის, რომ ტანსაცმელი დიდი ხნის განმავლობაში ახალივით კარგად გამოიყურებოდეს:

1. ყოველთვის ყურადღებით გაეცანით როგორც რეცხვის ინსტრუქციას, ისე სამოსის ეტიკეტებს და მიჰყევით მითითებებს.
2. ქსოვილების ზედაპირი ხახუნისგან რომ დაიცვათ, გარეცხვამდე ამოაბრუნეთ ტანსაცმელი შიდა მხრიდან.
3. ფერების გადასვლა რომ თავიდან აიცილოთ, მსგავსი ფერების ქსოვილები ერთად გარეცხეთ.
4. გამოიყენეთ საღებავის შემწოვი ტილოები, რომლებიც ზედმეტ საღებავს შეიწოვს.
5. თუ შესაძლებელია, გამოიყენეთ ფაქიზი ქსოვილებისთვის განკუთვნილი ან ხელით რეცხვის პროგრამა.
6. უმჯობესია, სარეცხი ჩრდილში გააშროთ. ქსოვილების ზოგიერთ ფერს თანდათან ანადგურებს მზის სინათლის ულტრაიისფერი გამოსხივება და, შესაბამისად, ქსოვილები ხუნდება კიდეც.
7. მოქსოვილი სვიტერები გაშლილი არ უნდა დაკიდოთ. სანაცვლოდ, ფრთხილად დაკეცეთ, რომ ცალკე შეინახოთ.